Dr. CHHUN TORY President of NIA attending the kick off meeting of the ERASMU-HARVEST project at SPAIN

Attending the kick of meeting of the ERASMU-HARVEST project in which Prek Leap National Institute of Agriculture is included as partner for implementing Dissimination Communication and Sustainability of Higher Education 🍀 🍀🍀🍀 Growing Knowledge, Cultivating Sustainability 🍀☘️🍀☘️

សូមស្កែន QR Code សម្រាប់ទាញយកទម្រង់ឯកសារ

ពិធីប្រគល់សញ្ញាបត្រ បណ្ឌិតកិតិ្តយស
ជូន សម្តេចក្រឡាហោម ស ខេង

នាព្រឹកថ្ងៃព្រហស្បតិ៍ ១២រោច ខែជេស្ឋឆ្នាំថោះ បញ្ចស័ក ព.ស. ២៥៦៧ ត្រូវនិងថ្ងៃទី១៥ ខែមិថុនា ឆ្នាំ២០២៣ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានទទួលសញ្ញាបត្របណ្ឌិត កិត្តិយស ផ្នែកអភិវឌ្ឍន៍ជនបទ ពីសាកលវិទ្យាល័យជាតិ ជា ស៊ីម កំចាយមារ។ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជននិងកីឡា បានមានប្រសាសន៍ថា សញ្ញាបត្របណ្ឌិតកិត្តិយស ផ្នែកអភិវឌ្ឍន៍ជនបទ គឺជាការទទួលស្គាល់នៃកម្រិតអប់រំដ៍ខ្ពង់ខ្ពស់បំផុត របស់សាកលវិទ្យាល័យជាតិ ជា ស៊ីម កំចាយមារ ដែលត្រូវផ្តល់ជូនដល់ឥស្សារៈជន ឬបុគ្គលឆ្នើម ដែលមានកិត្តិយសខ្ពង់ខ្ពស់ និងមានការទទួលស្គាល់ពិសេសចំពោះ សម្ធិផលដ៍សំខាន់ៗសម្របតាមបេសកកម្មសាកលវិទ្យាល័យ។ ឯកឧត្តមបានបន្តទៀតថា គណកម្មាធិការវាយតម្លៃថ្នាក់បណ្ឌិត បានពិនិត្យយ៉ាងម៉ត់ចត់នូវស្នាដៃទាំងឡាយរបស់សម្តេចក្រឡាហោម និងបានឯកភាពគ្នាជាឯកឆ័ន្ទ សម្រេចនៅថ្ងៃទី២៤ ខែមេសា ឆ្នាំ២០២៣ ស្នាដៃរបស់សម្តេចក្រឡាហោម ក្នុងផ្នែកអភិវឌ្ឍន៍ជនបទ មានលក្ខណៈខ្ពង់ខ្ពស់ឧត្តុង្គឧត្តម និងមានតម្លៃលើសលប់ទាំងផ្នែក សិក្សា សេដ្ឋកិច្ច និងសង្គម ក្នុងកម្រិតខ្ពស់ សម្រាប់ប្រគល់ជូនពីសាកលវិទ្យាល័យជាតិ ជា ស៊ីមកំចាយមារ នូវសញ្ញាបត្របណ្ឌិតកិត្តិយស ផ្នែកអភិវឌ្ឍន៍ជនបទ ជូនដល់បេក្ខជន សម្តេចក្រឡាហោម ស ខេង។

អញ្ជើញមានប្រសាសន៍ក្នុងឳកាសនោះ សម្តេចក្រឡាហោម ស ខេងបានថ្លែងអំណរគុណយ៉ាងជ្រាលជ្រៅចំពោះក្រុមប្រឹក្សាភិបាលវិទ្យាសាស្រ្ត គណៈកម្មការវាយតម្លៃថ្នាក់បណ្ឌិត របស់សាកលវិទ្យាល័យ ក៍ដូចជាក្រសួងអប់រំ យុវជននិងកីឡា ដែលបានវាយតម្លៃ និងគាំទ្រចំពោះស្នាដៃរបស់សម្តេច ហើយបានសម្រេចផ្តល់នូវសញ្ញាបត្រ បណ្ឌិតកិត្តិយស ផ្នែកអភិវឌ្ឍន៍ជនបទ ជូនដល់សម្តេច៕

ពិធីចុះហត្ថលេខាលើអនុស្សារណៈយោគយល់
និងកិច្ចព្រមព្រៀង

ភ្នំពេញ, ព្រឹកថ្ងៃទី៣១ ខែឧសភា ឆ្នាំ២០២៣ នៅទីស្តីការក្រសួងប្រៃសនីយ៍ និងទូរគមនាគមន៍ បានរៀបចំកម្មវិធីចុះហត្ថលេខាលើអនុសារណៈនៃការយោគយល់ និងកិច្ចព្រមព្រៀង រវាងក្រសួងប្រៃសនីយ៍ និងទូរគមនាគមន៍ ជាមួយវិទ្យាស្ថានជាតិកសិកម្មព្រែកលៀប។ គណៈអធិបតីអញ្ជើញចូលរួមជាកិត្តិយសក្នុងពិធីនេះមាន៖ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសនីយ៍ និងទូរគមនាគមន៍, ឯកឧត្តម បណ្ឌិតសភាចារ្យ ហង់ ជូនណារ៉ុន រដ្ឋមន្រ្តីក្រសួងអប់រំ យុវជ្ន និងកីឡា, ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន។
ឯកឧត្តមបណ្ឌិត ធន់ វឌ្ឍនា នាយកវិទ្យាស្ថានជាតិកសិកម្ម ព្រែកលៀប និងជាប្រធានក្រុមប្រឹក្សាសាកលវិទ្យាធិការកម្ពុជា បានឡើងថ្លែងអំណរគុណដល់រាជរដ្ឋាភិបាល ដែលមាន សម្តេចអគ្គមហាសេនាធតីតេជោ ហ៊ុន សែន ជានាយករដ្ឋមន្រ្តីនៃព្រះរាជាណាចក្រកម្ពុជា បានដាក់អោយប្រើប្រាស់ថ្នាលផ្ទៀងផ្ទាត់ឯកសារ verify.gov.kh តាមអនុក្រិតលេខ ៥២ អនក្រ.បក ចុះថ្ងៃទី៣ ខែមិនា ឆ្នាំ២០២៣។ ដោយហេតុថា ក្រសួងប្រៃសនីយ៍ និងទូរគមនាគមន៍ មានបំណងដាក់ឲ្យអនុវត្តន៍ថ្នាលផ្ទៀងផ្ទាត់ឯកសារ verify.gov.kh និងវិទ្យាស្ថានជាតិកសិកម្មព្រែកលៀបក៍មានបំណងចូលរួមប្រើប្រាស់ថ្នាលផ្ទៀងផ្ទាត់ឯកសារ verify.gov.kh សម្រាប់ផ្ទៀងផ្ទាត់ទៅលើ បរិញ្ញារង បរិញ្ញាបត្រ បរិញ្ញាជាន់ខ្ពស់ និងបណ្ឌិត ដើម្បីធានាបាននូវសុក្រិតភាពនៃឯកសារ កាត់បន្ថយពេលវេលានិងថ្លៃចំនាយ ជាពិសេសងាយស្រួលក្នុងការប្រើប្រាស់ឯកសារនៅក្នុងសហគមន៍ប្រជាតិអាស៊ាន និងឈានទៅប្រើប្រាស់នៅលើសកលលោក។ និងចំនុចមួយទៀតគឺ តម្រូវការប្រើប្រាស់ប្រព័ន្ធគ្រប់គ្រងវិទ្យាស្ថានជាតិកសិកម្មព្រែកលៀប តាមបច្ចេកវិទ្យាឌីជីថល និងហេដ្ឋារចនាសម្ព័ន្ធនិងការតភ្ជាប់អ៊ីនធើណិត ក្នុងគោលបំណងរួមចំណែកដល់ការបណ្តុះបណ្តាលធនធានមនុស្ស និងផ្តល់ភាពងាយស្រួលក្នុងការស្រាវជ្រាវ ស្របតាមក្របខណ្ឌគោលនយោបាយ សេដ្ឋកិច្ចនិងសហ្គមឌីជីថលកម្ពុជា ២០២១-២០៣៥ និងគោលនយោបាយេដ្ឋាភិបាលឌីជីថលកម្ពុជា ២០២២-២០៣៥៕

ពិធីចែកសញ្ញាបត្រដល់និស្សិតជ័យលាភី

ភ្នំពេញ, ព្រឹកថ្ងៃទី១៥ ខែមិថុនា ឆ្នាំ២០២៣ ក្រសួងកសិកម្មរុក្ខាប្រមាញ់ និងនេសាទ បានរៀបចំកម្មវិធីប្រគល់សញ្ញាបត្រដល់និស្សិតជ័យលាភីដែលសរុបចំនួន៣២៧៩នាក់ មកពីគ្រឹះស្ថានឧត្តមសិក្សាចំនួន៣គឺ សាកលវិទ្យាល័យភូមិន្ទកសិកម្ម ចំនួន ២៤៣៣នាក់ មកពីវិទ្យាស្ថានជាតិកសិកម្មព្រែកលៀប ចំនួន ៣១៥នាក់ និងវិទ្យាស្ថានជាតិកសិកម្មកំពង់ចាម ចំនួន ៥៣១នាក់។

ក្រោមអធិបតីភាពដ៍ខ្ពង់ខ្ពស់ សម្តេចអគ្គមហាសេនាតីតេជោ ហ៊ុន សែន ជានាយករដ្ឋមន្រ្តីនៃព្រះរាជាណាចក្រកម្ពុជា។ សម្តេចបានមានប្រសាសន៍ថា វិស័យកសិកម្មមានវិសាលភាពធំធេងណាស់នៅក្នុងប្រទេសកម្ពុជា នេះបង្ហាញថា វិស័យកសិកម្មនៅតែជាវិស័យស្នូលក្នុងការទ្រទ្រង់វិស័យសេដ្ឋកិច្ច និងការរស់រាន ឬអាចនិយាយបានថា ជាសន្តិសុខស្បៀងរបស់កម្ពុជា។ សម្តេចបានមានប្រសាសន៍ថា ការចែកសញ្ញាបត្រលើកនេះ ឯកឧត្តម រដ្ឋមន្រ្តី ឌីត ទីណា បានធ្វើរបាយការណ៍ទាក់ទងនិងវឌ្ឍនភាពនៃការបណ្តុះបណ្តាលនិស្សិតនៅទីនេះ សម្រាប់ថ្ងៃនេះគឺបានចែកសញ្ញាបត្រដល់និស្សិតចំនួន ៣២៧៩នាក់ សុទ្ធតែជាអ្នកបច្ចេកទេសកសិកម្ម។ សម្តេចបានមានប្រសាសន៍បន្ថែមទៀតថា ដោយមានការគិតគូខុសឆ្គងខ្លះជាមួយ អ្នកដែលត្រូវបានទទួលការបណ្តុះបណ្តាល ដែលបានយល់ច្រឡំថា ការរៀនកសិកម្ម គឺគិតតែដកស្ទូង ប៉ុន្តែមិនដូច្នេះទេ វិស័យកសិកម្មមានវិសាលភាពធំធេងណាស់ ក្នុងការទ្រទ្រង់កំណើនសេដ្ខកិច្ចជាតិ និងការរស់រាន ឬអាចនិយាយបានថា ជាសន្តិសុខស្បៀងរបស់ប្រទេសកម្ពុជា៕

នៅព្រឹកថ្ងៃទី២៣ ខែមករា ឆ្នាំ២០២៣ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានអញ្ជេីញជាអធិបតីក្នុងពិធីបូកសរុបលទ្ធផលការងារឆ្នាំ២០២២ និងបេីកបវេសនកាលឆ្នាំសិក្សា២០២២-២០២៣នៅវិទ្យាស្ថានជាតិកសិកម្មព្រែកលៀប។ ឯកឧត្តមបានវាយតម្លៃខ្ពស់ចំពោះលទ្ធផលការងាររបស់វិទ្យាស្ថាន និងបានលេីកទឹកចិត្តឱ្យពង្រឹងសមត្ថភាពស្ថាប័ន និងគុណភាពនៃការអប់រំបណ្តុះបណ្តាល ដេីម្បីផលិតធនធានមនុស្សដែលមានសមត្ថភាពខ្ពស់ ទាំងចំណេះដឹងជំនាញ ភាសាបរទេស និងបច្ចេកវិទ្យា ឆ្លេីយតបនឹងតម្រូវការទីផ្សារ។ ចំពោះសាស្ត្រាចារ្យ និងលោកគ្រូ អ្នកគ្រូឯកឧត្តមបានលេីកទឹកចិត្តឱ្យពង្រឹងការផ្ទេរចំណេះដឹងដល់និស្សិត និងជួយតម្រង់ទិសនិស្សិតឱ្យពង្រីកចំណេះដឹង តាមរយ:ការចូលរួមអនុវត្តជាក់ស្តែង និងការស្វែងយល់បន្ថែម។ ទន្ទឹមនេះ ឯកឧត្តមបានលេីកទឹកចិត្តឱ្យនិស្សិតបង្កេីតក្តីស្រមៃ មានភាពជឿជាក់លេីខ្លួនឯង និងខិតខំហាត់ពត់លត់ដំខ្លួន ដេីម្បីឈានទៅសម្រេចគោលដៅក្នុងជីវិត។ ឯកឧត្តមរដ្ឋមន្ត្រីក៏បានជំរុញឱ្យមានការប្រឡងប្រណាំងផ្ទៃក្នុងផងដែរដេីម្បីបង្កេីតស្នាដៃថ្មីៗបន្ថែមទៀតសម្រាប់វិទ្យាស្ថាន។

ឯកឧត្តមបណ្ឌិត ធន់ វឌ្ឍនា នាយកវិទ្យាស្ថានជាតិកសិកម្មព្រែកលៀប បានចុះអនុសារណៈយោគយល់គ្នា ជាមួយ ឯកឧត្តម បណ្ឌិតសភាចារ្យ សុខ ទូច ប្រធានរាជបណ្ឌិតសភាកម្ពុជា កាលពីថ្ងៃទី២២ ខែ​កក្កដា ឆ្នាំ២០២០។
គោលបំណងនៃការចុះអនុសារណៈនេះផ្តោតលើស្រាវជ្រាវរបគគំហើញថ្មីៗ​​ និងផ្លាស់ប្តូរបទពិសោធន៍រវាងគញនាទៅវិញទៅមក។