អំពីវិទ្យាស្ថានជាតិកសិកម្មព្រែកលៀប
វិទ្យាស្ថានជាតិកសិកម្មព្រែកលៀប (ក.ព.ល) ស្ថិតនៅក្នុងភូមិសាស្រ្ត សង្កាត់ព្រែកលៀប ខ័ណ្ឌជ្រោយចង្វា រាជធានីភ្នំពេញ ដែលមានផ្ទៃដីសរុបជាង៨ហិកតា មានព្រំប្រទល់ ខាងកើតជាប់និងទន្លេមេគង្គ ខាងជើងជាប់និងវត្តខ្ទរ ខាងត្បូងជាប់និងភូមិព្រែកតាសេក ខាងលិចជាប់និងផ្លូវជាតិលេខ៦ ដែលមានចំងាយប្រហែល ៧គីឡូម៉ែត្រពីស្ពានជ្រោយចង្វារ។
វិទ្យាស្ថានជាតិកសិកម្មព្រែកលៀបត្រូវបានបង្កើតតំបូងនៅក្នុងឆ្នាំ១៩៤៨ កាលនោះជាស្ថានីយ៍ស្រាវជ្រាវពោតក្រហម ហើយនៅឆ្នាំ១៩៥១ ចាប់ផ្តើមបណ្តុះបណ្តាលជំនាញកសិកម្ម។ នៅក្នុងទស្សវត្សឆ្នាំ១៩៦០ ក្រោមជំនួយរបស់សាហរដ្ឋអាមេរិក សាលាបឋមសិក្សាកសិកម្មព្រែកលៀប បានអភិវឌ្ឍន៍កម្មវិធីទៅជាធម្យមសិក្សាកសិកម្មព្រែកលៀប។ នៅក្នុងឆ្នាំ១៩៧៥ សាលាត្រូវបានបិទទ្វាដោយសាសង្រ្គាមស៊ីវិល។ នៅឆ្នាំ១៩៨៤ សាលាចាប់ផ្តើមបើកទ្វាឡើងវិញ។
នៅក្នុងឆ្នាំ២០០២ សាលាធម្យមសិក្សាកសិកម្មព្រែកលៀប បានផ្លាស់ប្តូរឈ្មោះទៅជា សាលាជាតិកសិកម្មព្រែកលៀប រហូតមកដល់ឆ្នាំ២០១៩ សាលាបានខិតខំអភិវឌ្ឍន៍សមត្ថភាពរបស់ខ្លួនរហូតបានក្លាយទៅជាវិទ្យាស្ថានជាតិកសិកម្មព្រែកលៀប តាមអនុក្រឹត លេខ១៤៧ អនក្រ.បក ចុះថ្ងៃទី២៥ ខែកញ្ញា ឆ្នាំ២០១៩ ស្តីពី ការបង្កើតវិទ្យស្ថានជាតិកសិកម្មព្រែកលៀបជាគ្រឹះស្ថានសាធារណៈរដ្ឋបាល។
ព័ត៌មានបន្ថែម
មតិស្វាគមន៏
ឯកឧត្តមបណ្ឌិត ធន់ វឌ្ឍនា នាយកវិទ្យាស្ថានជាតិ
សូមស្វាគមន៍ ប្អូនៗអតីតនិស្សិត ប្អូនៗនិស្សិត លោកគ្រូ អ្នកគ្រូ និងបងប្អូនជនរួមជាតិទាំងអស់ជាទីស្នេហា!! យើងខ្ញុំ ប្តេជ្ញាថា នឹងធ្វើអោយវិទ្យាស្ថានជាតិកសិកម្មព្រែកលៀបនេះ ឈរដោយគុណភាព និងប្រកបទៅដោយការច្នៃប្រឌិត។ វិទ្យាស្ថាន ស្ថិតនៅតាមបណ្តោយផ្លូវជាតិលេខ៦ ចន្លោះទន្លេមេគង្គ និងទន្លេសាបក្នុងរាជាធានីភ្នំពេញ គឺជាទីកន្លែងល្អបំផុតមួយសម្រាប់កាសិក្សា ស្រាវជ្រាវ និងទំនាក់ទំនង។ នៅទីនេះមានអាគារសម្រាប់និស្សិតស្នាក់នៅ អាគារសិក្សា មន្ទីពិសោធន៍ កសិដ្ឋានស្រាជ្រាវសម្រាប់ការងារសិក្សាប្រកបដោយប្រសិទ្ធភាព។
វិទ្យាស្ថានជាតិ មានដៃគូរសហការជាតិ និងអន្តរជាតិ ក៍ដូចជាសហគមន៍មូលដ្ឋាននិងជនបទ ដែលអាចធ្វើអោយនិស្សិតមានភាពងាយស្រួលសិក្សាតាមបំណងប្រាថ្នា។ យើងមានគ្រូបង្រៀនដែលមានកម្រឹតសញ្ញាបត្រថ្នាក់បណ្ឌិត អនុបណ្ឌិតជាច្រើននាក់ដែលមានការតាំងចិត្តខ្ពស់ប្រកបដោយគុណភាពទាំង ផ្នែកទ្រឹស្តី និងអនុវត្តជាក់ស្តែង ដែលនាំអោយយើងក្លាយទៅជាអង្គភាពឈានមុខគេលើផ្នែកកសិកម្មមួយនៅកម្ពុជា។ ជាមួយនឹង ប្តេជ្ញាចិ្តតរបស់យើងក្នុងការកែទម្រង់ឆ្ពោះទៅការគាំទ្រគោលនយោបាយអភិវឌ្ឍន៍កសិកម្មកម្ពុជា វិទ្យាស្ថានយើងខ្ញុំកំពង់តែជម្រុញ អោយមានការស្រាវជ្រាវលើផលិតកម្មកសិកម្មដែលមានតំលៃខ្ពស់ៗដូចជា គ្រាប់ស្វាយចន្ទី កាហ្វេ បន្លែ និងផលិតផលកែច្នៃឡើងវិញ ដូចជា ល្ពៅ ដំឡូងមី ស្វាយ...។ល។
អំពីគាត់ចក្ខុវិស័យ & បេសកកម្ម
វិទ្យាស្ថានជាតិកសិកម្មព្រែកលៀប (កពល) មានចក្ខុវិស័យនឹងក្លាយទៅជាគ្រឹះស្ថានអប់រំ បណ្តុះបណ្តាល និងស្រាវជ្រាវផ្នែកកសិកម្មនាំមុខមួយនៅកម្ពុជា។
បេសកកម្មរបស់ កពល គឺ
១. បណ្តុះបណ្តាលប្រកបដោយច្នៃប្រឌិតខ្ពស់ ឆ្ពោះទៅរកការត្រិះរិះពិចារណា បទពិសោធន៍ជាក់ស្តែង និងសហប្រតិបត្តិការ។
២. ជំរុញការងារស្រជ្រាវ ដែលរួមចំណែកដល់ការកសាងចំណេះដឹង និងគោលនយោបាយ។
៣. កសាងសហគ្រិនភាព និងអាកប្បកិរិយា ដែលឆ្លើយតបដោយប្រសិទ្ធភាពចំពោះការប្រែប្រួលក្នុងជីវិតការងារ។
៤. រួមចំណែកអភិវឌ្ឍន៍សហគមន៍តាមរយៈសកម្មភាពសងញកម និងវប្បធម៌។
ចក្ខុវិស័យ កពល គឺ
១. ជឿជាក់លើគុណភាពការច្នៃប្រឌីត និងការបង្កើតថ្មី។
២. ឲ្យតម្លៃលើ សមត្ថភាពវិជ្ជាជីវៈ និងការត្រិះរិះពិចារណា។
៣. ប្រាស្រ័យទាក់ទង និងធ្វើការជាមួយគ្នា ប្រកបដោយការគោរព។
៤. ទទួលខុសត្រូវចំពោះសកម្មភាពរបស់ខ្លួន និងពុះពារដើម្បីជោគញវាសនារបស់ខ្លួន។
ស្ថានភាពមន្រ្តីរាជការ ឆ្នាំ២០២១
ក. ព័ត៌មានមន្រ្តីតាមក្របខ័ណ្ឌ
វិទ្យាស្ថានជាតិកសិកម្មព្រែកលៀបមានមន្រ្តីក្នុងក្របខ័ណ្ឌចំនួន ១២១នាក់ ក្នុងនោះស្រ្តីចំនួន ៣៥នាក់ បុរសចំនួន ៨៦នាក់។
- មន្រ្តីរាជការក្របខ័ណ្ឌ(ក) : ចំនួន ៩០ នាក់
- មន្រ្តីរាជការក្របខ័ណ្ឌ(ខ) : ចំនួន ២២ នាក់
- មន្រ្តីរាជការក្របខ័ណ្ឌ(គ) : ចំនួន ០៩ នាក់
ខ. ព័ត៌មានមន្រ្តីតាមសញ្ញាបត្រ
១. បណ្ឌិត .......................... : ចំនួន ០៩ នាក់
២. អនុបណ្ឌិត..................... : ចំនួន ៥៧ នាក់
៣. បរិញ្ញាបត្រ .................... : ចំនួន ៥២ នាក់
៤. បរិញ្ញាបត្ររង ................. : ចំនួន ០២ នាក់
គ. ស្ថានភាពមន្រ្តីបច្ចុប្បន្ន
១. មន្រ្តីសកម្ម ..................................................... : ចំនួន ១១៥ នាក់
២. មន្រ្តីស្ថិតនៅក្នុងភាពទំនេរគ្មានប្រាក់បៀវត្ស ....... : ចំនួន ០២ នាក់
៣. មន្រ្តីស្ថិតនៅក្រៅក្របខណ្ឌដើម ....................... : ចំនួន ០១ នាក់
៤. មន្រ្តីត្រូវបានលប់ឈ្មោះ ................................... : ចំនួន ០០ នាក់
៥. មន្រ្តីចូលនិវត្តន៍ ............................................... : ចំនួន ០០ នាក់
៦. មន្រ្តីកម្មសិក្សា ................................................ : ចំនួន ០៣ នាក់
៧. មន្រ្តីត្ផ្ទេចេញ .................................................. : ចំនួន ០០ នាក់
ការអប់រំ
ចាប់តាំងពីក.ព.ល បានចាប់ផ្តើមបើកទ្វាឡើងវិញពីឆ្នាំ ១៩៨៤ ដល់ ឆ្នាំ ២០០៩ វិទ្យាស្ថានបានផលិតធនធានមនុស្សបានចំនួន ៩.៣០១នាក់ ។ ក្នុងនោះនិស្សិតថ្នាក់បរិញ្ញាបត្រមានចំនួន ៣.៣៤៣នាក់ និងនិស្សិតថ្នាក់បរិញ្ញារងមានចំនួន៤.៩២៧នាក់ និងនិស្សិតថ្នាក់បឋមមានចំនួន ១.០៣១នាក់។
ឆ្នាំសិក្សាត្រូវបានចែកចេញជាពីរឆមាស
ឆមាសទី១ ចាប់ផ្តើមពីខែ វិច្ឆិកា ដល់ខែ មេសា
ឆមាសទី២ ចាប់ផ្តើមពីខែ ឧសភា ដល់ខែ តុលា
ការសិក្សាស្រាវជ្រាវ
ការសិក្សាស្រាវជ្រាវ និងទស្សនកិច្ចសិក្សា ជាការងារសំខាន់ដើម្បីផ្សារភ្ជាប់ទ្រឹស្តីទៅនិងការអនុវត្តជាក់ស្តែង។ ក.ព.ល តម្រូវឲ្យសាស្រ្តាចារ្យ និងនិស្សិតចូលរួមការងារស្រាវជ្រាវ កម្មសិក្សា និងការអនុវត្ត នៅក្នុងមន្ទីពិសោធន៍ក្នុងកសិដ្ឋាន និងសហគមន៍ជនបទផងដែរ។
មធ្យោបាយ និងសម្ភារៈ
ដើម្បីលើកកំពស់គុណភាពអប់រំ និងបណ្តុះបណ្តាល ក.ព.ល បានបំពាក់នូវឧបករន៍និងសម្ភារៈសម្រាប់ជាជំនួយដល់ការបង្ហាត់បង្រៀន និងមធ្យោបាយផ្សេងៗមានដូចជា៖ មន្ទីពិសោធន៍, មន្ទីពិសោធន៍បណ្តុះជាលិការ, កសិដ្ឋានចិញ្ញចឹមគោរទឹកដោះ, បន្ទប់ពិសោធន៍និងកែច្នៃអាហា, បន្ទប់ពិសោធន៍ដំណាំផ្សិត, បន្ទប់រៀនកុំព្យូទ័រ និងអ៊ីនធឺណែត, Smart Farm, ប្រព័ន្ធ Hydroponic System..។ល។
លក្ខខណ្ឌចូលរៀននៅវិទ្យាស្ថានជាតិកសិកម្មព្រែកលៀប
ក. លក្ខខណ្ឌចូលរៀនថ្នាក់បរិញ្ញាបត្រ
១.បេក្ខជនត្រូវមានសញ្ញាបត្រទុតិយភូមិនៅឆ្នាំដែលបានដាក់ពាក្យស្នើសុំអាហារូបករណ៍ពីក្សួងអប់រំ យុវជន និងកីឡា (សម្រាប់និស្សិតស្នើអាហារូបករណ៍)។
២.បេក្ខជនដែលមានសញ្ញាបត្រទុតិយភូមិ, បរិញ្ញារង, ឬសញ្ញាបត្រដែលមានតម្លៃស្មើ (សម្រាប់និស្សិតបង់ថ្លៃ)។
ខ. លក្ខខណ្ឌចូលរៀនថ្នាក់បរិញ្ញាបត្ររង
១. បេក្ខជនត្រូវមានសញ្ញាបត្រទុតិយភូមិនៅឆ្នាំដែលបានដាក់ពាក្យ(សម្រាប់និស្សិតស្នើអាហារូបករណ៍)
២. បេក្ខជនដែលមានសញញាបត្រទុតិយភូមិ ដែលបានជាប់ជាស្ថាពនាពេលកន្លងទៅ, ធ្លាក់សញ្ញាបត្រទុតិយភូមិ, ឬសញ្ញាបត្រដែលមានតម្លៃស្មើ(សម្រាប់និស្សិតថ្នាក់បង់ថ្លៃ)។
គ. លក្ខខណ្ឌបញ្ចប់ការសិក្សា
និស្សិតទាំងពីរភេទត្រូវបំពេញគ្រប់លក្ខខ័ណរបស់វិទ្យាស្ថានជាតិកសិកម្មព្រែកលៀប ទើបទទួលបាននូវសញ្ញាបត្រ ដែលបានទទួលស្គាល់ដោយក្រសួងកសិកម្មរុក្ខាប្រមាញ់ និងនេសាទ៕
គណៈគ្រប់គ្រងវិទ្យាស្ថានជាតិ
ប្រធានការិយាល័យ មន្ទីពិសោធន៍ មជ្ឈមណ្ឌលឯកសារ និងស្ថាននីយ៍
ប្រធានផ្នែក និងប្រធានដេប៉ាតឺម៉ង់
សម្ភាររូបវន្ត សម្រាប់គាំទ្រដល់ការសិក្សា និងស្រាវជ្រាវ
សេចក្តីជូនដំណឹង
កម្មវិធីអាហារូបករណ៍
វិទ្យាស្ថានជាតិកសិកម្មព្រែកលៀប តែងតែផ្តល់អាហារូបករណ៍ចំនួន១៨កម្មវិធី ដល់សិស្សទាំងពីរភេទ ដែលបានចាប់អារម្មណ៍អំពីជំនាញសិក្សាថ្នាក់បរិញ្ញាបត្រ និងបរិញ្ញារង។ សិក្សានៅទីនេះនិស្សិតនិងមានឳកាសទៅកម្មសិក្សានៅប្រទេស អ៊ីស្រាអែល សាធារណៈរដ្ឋប្រជាមានិតចិន ប្រទេសជប៉ុន...។
កម្មវិធីថ្នាក់បរិញ្ញាបត្រជាន់ខ្ពស់
វិទ្យាស្ថានជាតិកសិកម្មព្រែកលៀប មានកិតិ្តយសជូនដំណឹងដល់អតីតនិស្សិត និងសាធារណៈជនជ្រាបថា! វិទ្យាស្ថានជាតិ ចាប់ផ្តើទទួលពាក្យចុះឈ្មោះចូលរៀនថ្នាក់បរិញ្ញាប្តរជាន់ខ្ពស់ ចាប់ពីថ្ងៃជូនដំណឹងនេះទៅ។
ជំនាញសម្រាប់ជ្រើសរើស៖
១. កសិកម្មដោយចិរភាព និងកសិធុរកិច្ច
២. វិទ្យាសាស្រ្តដំណាំ
៣. ផលិតកម្មសត្វដោយចិរភាព
៤. វារីវប្បកម្ម និងជលផលដោយចិរភាព
៥. សុរិយាដី ការរៀបចំដែនដី និងរដ្ឋបាលដីធ្លី
ព័ត៌មានលម្អិត សូមចុចលើ Download ពី Menu រួចចុចលើ ពាក្យចូលរៀនថ្នាក់ Master
កម្មវិធីចាក់វ៉ាក់សាំង
សូមគោរព និងអញ្ជើញឯកឧត្តមនាយក នាយករង និងមន្រ្តីរាជាការនៃវិទ្យាស្ថានជាតិកសិកម្មព្រែកលៀបទាំងអស់ សូមមកចុះឈ្មោះចាក់វាក់សាំងការពារមេរោគ COVID-19 នៅការិយាល័យរដ្ឋបាលនិងបុគ្គលិក។
កម្មវិធីចាក់វ៉ាក់សាំងលើកទី១ នៅថ្ងៃទី ០៥ ដល់ថ្ងៃទី០៩ខែមេសា ឆ្នាំ២០២១ នៅទីស្តីការក្រសួងកសិកម្ម។
សហប្រតិបត្តិការ
វិទ្យាស្ថានជាតិកសិកម្មព្រែកលៀបបានចុះអនុសារណៈយោគយល់គ្នាជាមួយបណ្តា សាកលវិទ្យាល័យជាតិ អន្តរជាតិ ក្រុមហ៊ុនវិនិយោគក្នុងនិងក្រៅប្រទេស ។
BOGO Agriculture University
ចុះអនុសារណៈថ្ងៃទី ០៨ ខែកុម្ភៈ ឆ្នាំ២០២១៧
Rajamangula Technology University
ថ្ងៃទី ០៩ ខែកុម្ភៈ ឆ្នាំ២០១៧
Hohai University
ថ្ងៃទី ១៥ ខែមីនា ឆ្នាំ២០១៧
Mekong Regional Land Governance Project
កិច្ចសន្យាសហការណ៍ ចុះថ្ងៃទី០២ ខែធ្នូ ឆ្នាំ២០១៦
Hainan College of Foreign Studies
ចុះអនុសារណៈ ថ្ងៃទី 26 ខែកក្តដា ឆ្នាំ២០១៧
Yunnan Minzu University
ចុះអនុសារណៈ ថ្ងៃទី២៥ ខែសីហា ឆ្នាំ២០១៧
Hainan University
ចុះអនុសារណៈ ថ្ងៃទី២៣ ខែតុលា ឆ្នាំ២០១៧
Hiroshima University
ចុះអនុសារណៈ ថ្ងៃទី០៩ ខែវិច្ឆិកា ឆ្នាំ២០១៧
Vitrosys Clone Technology Co.,LTD
ចុះអនុសារណៈ ថ្ងៃទី៣០ ខែសីហា ឆ្នាំ២០១៧
Alxel Asia Human Resources
ចុះអនុសារណៈ ថ្ងៃទី១២ ខែធ្នូ ឆ្នាំ២០១៧